يا قلب فضفض على الاوراق واكتب له‏

[center]

السلام عليكم ورحمة الله تعالى وبركاته
صبااحكم / مساءكم
معطر بأريج الورد ..

يا قلب فضفض على الأوراق واكتب له
أبيات ,, يمكن يجي صدفه.. ويقراها
.. ..
انزف من إحساسك الصادق ورتب له
فوضى مشاعر .. محبه .. ضاع معناها
.. ..
سيّل حروف الوله والشوق واسكب له
من دلتك ,, لين .. عينه .. ينتثر ماها
.. ..
تراه متجاهل .. أوجاعك .. وطايب له
ما يدري انه ملك دنياك وأفناها ..!
.. ..
ما وفّر إلا جروح ,,, وكبد مندبله
وآهات تملا الفضا .. و الضيق يملاها
.. ..
انثر مشاعر غلا على طرف حبله
وان كان ما لمها خلاص .. ما ابغاها
.. ..
ما عاد فيني أفكر فيه .. وارقب له
لو قمت أعيد السوالف ..وآتطراها
.. ..
ما أبيه يقرا القصيد بدون ما يحسب له
ابيه يقرا [ الحقيقه ] يوم .. يلقاها !
.. ..
وأبي يحس إني اصدق قلب يكذب له
اشهد معه ضد نفسي ,, وآتبلاها
.. ..
وأبي يحس إني أكثر من تعذب له
وأبي يحس ابعنى نفسي وما جاها
.. ..
ما بعد قلبه ..سكن قلبي و لا قبله
ولا همني مع رضاه .. الناس ورضاها
.. ..
هو اكثر انسان .. يجرحني .. و انا اهرب له
وعيوني أو فى العيون .. وفراقه أبكاها