حلوى معسلة شكل السنبلة"السبولة"

السلام عليكم جميعا

المقادير

كيلو طحين+رابعة زبدة ماركارين+2 معلقات كبار خل+خمارة فاني +خمارة حمراء+قبصة ملح+ الماء الدافئ لجمع العجين

الطريقة

نخلطو
الطحين مع الزبدة ونفركوها بيدينا حتى ندمجو الزبدة مع الطحين من بعد
نزيدو الخل والخمارات ونجمعو العجين بالماء وعطيو الدليييييييييييييييييك
ولكن خليو لعجينة قاصحة من بعد قسموها كورات ودلكو كل وحدة بالدلاك من بعد
دوزوها فالماكينة دالشباكية حتى تولي رقيقة من بعد قطعو وشكلو كما هو واضح
فالصور

قطعو معينات بالجرارة وكل معين ديرو وسطه شريطة بحال الشباكية

من بعد جيبو كل معين ديروه فوق الاخر ديرو تقريبا 4 او 5 واحد فوق الاخر

جرو القنت من فوق الشريطات وتخرج ليكم فهاد الشكل بحال السبولة"السنبلة"

من بعد قليو فالزيت سبولات ديالنا ونطفيوهوم فالعسل وبالصحة والراحة

توقيع الوردة المتفتحة