السلام عليكم بنات هذي اول مشاركه لي في قسم الطبخ ولاني استفدت منكم كثير فحبيت تفيدكم بهذي الوصفة السهله واللذيذه

اليوم وانا أشوف قناة الشاهد الكويتيه كان برنامج عن الطبخ ويقدمه واحد اسمه بوسعد وأم احمد

فقدمت طريقة خبز سهله وسريعه وسويتها والله من اول مره طلعت تجنن والخبزه طريه ( اخلصي )

المهم المقادير عباره عن

2كوب طحين

واحد وثلاث أرباع علبة روب

ملعقة ونص بيكينك باودر

ألطريقه

تخلط المقادير مع بعض حتى تتكون عجينه وتترك بس عشر دقائق وبعدين نفردها نحط شوي طحين على الطاوله ونفردها ولازم تكون رقيقه ونكون مسخنين الصاج او الطابي اللي تسمونه من غير دهن ونخلي الخبزه فيها واذا أحمرت نقلبها على الوجه الثاني واذا أحمرت على طول نحطها في حافظة الطعام ونسكر عليه حتى نسوي الخبزه الثانيه وبعدين تقدرين تحشينها باي حشوه شورما او جبن او لبنه اي شي والخبزه ما تنفتح لا لا تحشينها من الوجه على طول

وانتبهي ترى بسرعه تنتفخ الخبزه وتصير حمره

ملاحظه
تقدرين ترقين جميع الخبزات وتخلينهم يرتاحون وبعدين على طول تخبزينهم يكون اسهل

ولا تفشلوني هالله هالله بالردود اللي ترفع المعنويان ولكم جزيل الشكر

توقيع وردة البستان1

مشكوووووووووووووووووور عالموضوع الجميل جدا

توقيع mjlover

جزاك الله كل خير
تقبل تحياتي

توقيع AwRaS-Ab

راااااااااااااائع

توقيع بحر الغموض

بارك الله وفيك وجزاك خيرا

توقيع الأمير